,,Reykhólaskóli fékk danskan farkennara til starfa í byrjun janúar 2026. Ávinningur Reykhólaskóla af því að fá inn danskan farkennara var margþættur, kennslan styrktist í töluðu máli, nemendur urðu öruggari og áhugasamari, námsefni og kennsluhættir urðu fjölbreyttari. Heildaráhrif voru aukin gæði í dönskukennslu og jákvæðara námsumhverfi fyrir nemendur. Reykhólaskóli er þakklátur fyrir þetta samstarf og þann innblástur sem koma farkennarans færði skólasamfélaginu”          Anna Margrét, skólastjóri Reykhólaskóla. 

,,Mikil ánægja var meðal kennara og nemenda með verkefnið og nýjar hugmyndir og kennsluefni urðu til. Danski farkennarinn var frábær viðbót við starfsfólk skólanna og samlagaðist starfsmannahópnum vel. Þetta verkefni varð til þess að meiri umræða og vitund varð um dönskukennslu, dönskuna sjálfa og danska menningu innan skólanna og utan. Ég mæli heilshugar að skólar taki þátt í þessu verkefni”. Dagný Rósa Úlfarsdóttir, fræðslustjóri Húnabyggðar.

“Okkur fannst alveg frábært að fá farkennara til okkar! Krökkunum fannst þetta mjög skemmtilegt og er líka ákveðið uppbrot í dönskukennslunni.” Arna Ýr, Glerárskóli

“Það er gott að fá nýjar hugmyndir og kennsluefni sem hægt er að nýta í framhaldi ekki bara á meðan á heimsókn stendur.” Elísa Dröfn, Lundarskóla,